pendentes
Sesións de Nadal
Quen nos ía decir en xaneiro que este ano con aparencia tan bonita nos ía amosar unha cara tan pouco agradable 😕. Aínda así, seguro que todas temos moitas cousas boas polas que festexar! 😊🎉
Para celebrar estas datas tan especiais, quixemos facer un decorado que represente o fogar, os momentos cotiás da vida e os momentos de gozar en familia.
Tamén, queremos darlle moita importancia ao feito de felicitar as Festas a todos os familiares ou amigxs que están lonxe e que este ano non puidemos ver. Polo que cada pack inclúe unha felicitación dixital para que poidas enviar por WhatsApp ou email.
Así será o decorado deste Nadal...
95€
...e así son os nosos packs
Amueblando un pouquiño
PACK 1
• 30 min de sesión
• 10 fotografías a máxima calidade (descarga dixital)
• 10 fotografías impresas en 15x20 cm
• 1 felicitación dixital
Posibilidade de ampliar o teu pack con máis produtos
Amueblando un moitiño
PACK 2
• 30 min de sesión
• 20 fotografías a máxima calidade (descarga dixital)
• 10 fotografías impresas en 15x20 cm
• 1 felicitación dixital
• Álbum fotográfico de 20x20 cm e 10 páxinas
• 4 postais de 13x18 cm
• 6 marcapáxinas de 7x20 cm con calendario
• 2 calendarios semestrais de sobremesa
Posibilidade de ampliar o teu pack con máis produtos
195€
Produtos extra para completar o teu pack
• Foto extra (descarga dixital): 8€
• Galería completa: 50€
• Pack de 10 fotografías impresas: 15€
• Pack de 4 postais: 5€
• Calendario de parede: 8€
• Enmarcación creativa: 40€
O día da sesión poderás ver cada produto e escoller os que prefiras para completar os teus agasallos de Nadal.
Cando serán as sesións?
As sesións de Nadal realizaranse os seguintes días: 5, 6 e 7 de novembro; 12, 13 e 14 de novembro; 19, 20 e 21 de novembro. O motivo de facelas con tanta antelación é para que poidades ter as vosas fotos, álbum ou felicitacións para as Festas, pois os laboratorios nesas datas sempre teñen moita carga traballo. Tamén, con motivo da covid-19, se tiveramos que gardar corentena ou aprazar algunha sesión, é importante ter marxe para poder reubicar as datas.
As sesións realizaránse cada hora e media, para que dea tempo a limpar e desinfectar o decorado e a zona cercana ao mesmo.
Quen pode participar na sesión?
As sesións están orientadas aos máis cativos, especialmente a nen@s entre os 8 meses e os 8 anos. Peeero tamén faremos fotos de familia, porque nunhas datas tan especiais queremos que vos levedes un bonito recordo en familia.
Como temos que ir vestidos?
Unha vez reservada a sesión, enviarémosvos vía WhatsApp un pequeno dossier con diferentes paletas de cor e algunhas ideas. Despois, podedes adaptar o vestiario según os vosos gustos ou posibilidades.
Que pasa se o día reservado non podemos ir?
Sabemos que pode haber contratempos, e mais en tempos de coronavirus.
• Se o motivo é un contratempo persoal, trasladaremos a sesión para outro día.
• Se o motivo é por causa da covid-19 (corentena, confinamento de poboación, etc.) pospoñeremos a sesión para facela tan pronto como sexa posible. Se non fora posible realizar a sesión antes do Nadal, gardaríamos a reserva e poderíades facer unha sesión polo mesmo valor antes do 31 de decembro de 2021.
Cando recibirei as miñas fotos?
Nun prazo de 5 días aproximadamente recibirás a galería online para que poidas escoller as fotos que queres imprimir.
Cómo reservo a sesión?
É moi doado. Pulsa o botón de RESERVAR, escolle a data e hora axeitada para ti e selecciona o pack que máis che guste. Lembra que posteriormente poderás engadir máis produtos para os teus agasallos. Unha vez que escollas o pack e día para a túa sesión, terás que cubrir un cuestionario que aparecerá a posteriori. Para rematar, terás que facer unha transferencia bancaria de 50€. A cantidade restante, pagarase en efectivo o día da sesión.